Bedréckten Premièrehoodies

Erweidert är Premièreskollektioun och gären mat Sweatshirt, T-Shirten, 

Banannen a villem méi!

Premièreshoodies 2018-2019

Hei sinn e puer Beispiller vun Premièreshoodies déi d'lescht Schouljoer beim Drockmeeschter bedréckt goufen!

Wat mir alles ubidde kënnen?

Vun Siebdrock a Broderie (qualitatiivst Veredelungsmethoden déi et gëtt) bis zu Sektiounen um Aarm an Spëtznimm kënnen mir ouni Problem all är Virstellungen ëmsetzen! 

SIEBDROCK

SEKTIOUN UM AARM

BESTÉCKUNG

SPËTZNIMM 

D'Kleeder déi mir bedrécken/stécken kënnen

All d'Kleeder déi mir  ubidden hunn verschidden Produktiouns Zertifikater déi sech international fir eng ethesch korrekt an méiglechst ëmweltschounend Hierstellung vun de Kleeder asetzen.

Bëllegsten Drock an Broderie am Land

An der Reegel huet den Drockmeeschter déi bëllegst Präisser fir de Siebdrock an d'Broderie hei am Land.
De Präis hänkt ëmmer vun der bestallter Quantitéit an vun de Logoen of. Hei e puer Präisbeispiller:
250 GILDAN Hoodies mat
dësem Drock
18€ pro Hoodie
100 GILDAN Hoodies mat
dësem Drock
21,9€ pro Hoodie
100 RUSSELL Hoodies mat
dësem Drock
25,9€ pro Hoodie
* Wichteg: Dëst sinn nëmmen konkret Präisbeispiller fir iech eng ongeféier Präisiddi ze ginn! Fir de Präis vun ärem Premièreshoodie erauszefannen, kënnt dir folgend Präislescht benotzen oder einfach den Drockmeeschter uschreiwen.

Plangt mat eis zesummen ären Premièreshoodie!

Eis Drockmeeschter Equippe gëtt Dag fir Dag hiert Bescht fir d'Bestellen vun ären Premièreshoodies sou einfach ewéi méiglech ze maachen. Schreift eis un an kommt laanscht an eise Shop op Beggen fir zesummen äre Projet ëmzesetzen!

Oft gestallte Froen

Wei schnell kann eis Commande fäerdeg sinn?


An der Reegel dauert et 2 bis maximal 3 Wochen bis är Commande fäerdeg bedréckt/gestéckt ass!




Wei leeft et mam Bezuelen of?


Wann är Commande fäerdeg ass, schécken mir iech eng Rechnung mat eiser Kontosnummer an dir huet dann eng Woch Zäit fir d'Suen ze iwwerweisen.




Kënnt dir eis beim Design vun eisem Logo fir op d'Kleeder hëllefen?


Kee Problem! Sammelt einfach zesummen är Iddien am Comité wat op d'Kleeder komme soll an schéckt eis des eran oder bréngt se mat an eisen Shop. Den Drockmeeschter probéiert des dann sou gutt ewéi méiglech ëmzesetzen!




Hällt den Drock an der Wäsch?


Ganz sécher! Siebdrock an Broderie sinn déi zwou qualitatiivsten Veredelungstechnicken déi et ginn, an dofir kënnen mir garantéieren dass weder den Drock nach d'Bestéckung ofgoen kann an der Wäsch!




Kënnen mir d'Kleeder am Viraus umoossen?


Ganz gären! Wann dir iech fir een Hoodie oder sos e Kleedungsstéck bei eis am Shop entscheet huet kënnen mir iech ​e gratis Umooss-Set matginn, domat all d'Primaner d'Kleeder an ärer Schoul umoossen kann fir déi richteg Gréisst erauszefannen.




A wéi engem Format braucht dir d'Logoen?


Idealerweis brauchen mir d'Logoen als Vektordatei (.ai, .eps, .svg oder .pdf), alternativ kanns du eis d'Logoen och als héichopléisend Foto (.png oder .jpeg) mat enger Mindestopléisung vun 300 DPI oder als Photoshop Datei (.psd) eraschécken.





Kontaktéiert eis!

Du hues eng bestëmmt Fro oder wëlls e RDV huelen fir beim Drockmeeschter laanscht ze kommen? Zéck net eis ze kontaktéieren!

5, rue de Neuerburg, L-2215 Beggen, Luxembourg

Dënschdes - Samsdes: 12h - 18h (op RDV)

  • Facebook
  • Instagram

 

 

© 2019 Drockmeeschter